അളന്നെടുക്കുക
നാവില്‍ നിന്നും
കയ്യിലേക്കുള്ള ദൂരം
അത് നിനക്ക്
നിന്നെ കാട്ടിത്തരും
ഓര്‍ത്തെടുക്കുക,
ഡയറിയില്‍
കുറിക്കാന്‍ മറന്നത്,
കര്‍മ്മയുദ്ധങ്ങളില്‍
കൈ വിട്ടു പോയത്,
വേഷപ്പകര്‍ച്ചകളില്‍
നഷ്ടമായത്,
മുന്‍പേ പറന്നവര്‍
പറഞ്ഞുവെച്ചത്,
ചുവന്ന ചുവരുകള്‍
ഉദ്ഘോഷിച്ചത്,
പെയ്തിറങ്ങട്ടെ അടമഴയായ്
അത് നിന്നെ ശുദ്ധീകരിക്കും
മഴ നിലയ്ക്കുന്നതിനു പിറ്റേന്ന്
പുറത്തിറങ്ങുക
അവിടെ നിന്റെ സൂര്യന്‍
ഉദിച്ചിരിക്കും
നിനക്കായ് ഒരു പൂവെങ്കിലും
വിടര്‍ന്നിരിക്കും..
No comments:
Post a Comment