Jan 22, 2010

നിന്നിലൂടെ നടന്ന്..

ആകാശത്തിന്‍റെ അര്‍ഥം
അനന്തതയെന്നെങ്കില്‍
വിശ്വാസത്തിന്‍റെ
ആകാശങ്ങളില്‍
നമുക്ക് പറന്നുനടക്കാം
സ്വപ്‌നങ്ങള്‍
കടലില്‍ തെളിയുമെങ്കില്‍
നിന്‍ മിഴികളിലെന്‍
തിരകള്‍ക്കു തീരമൊരുക്കാം
പകല്‍ സത്യമെങ്കില്‍
ജന്മാന്തരങ്ങളുടെ പകലുകള്‍
നിന്റെ കാലടികള്‍
കാതോര്‍ക്കാം
ഇടറുന്ന മേഘനാദമായ്
നിന്‍റെ മിന്നലാട്ടങ്ങള്‍ക്ക്
പിന്നിലൊതുങ്ങാം

ഒടുവില്‍ ഞാന്‍ മറയുമ്പോള്‍
അനശ്വരതയുടെ ചില്ലയില്‍
പ്രണയം കൊണ്ട്
കൂടൊരുക്കാം
ഋതുഭേദങ്ങളറിയാന്‍
അതിലെന്‍റെ
ഹൃദയം പറിച്ചുവെയ്ക്കാം,
ഓരോ മിടിപ്പും
നിന്നിലേക്കുള്ള
ദൂരം കുറയ്ക്കുമെങ്കില്‍..

1 comment:

പ്രവാസം..ഷാജി രഘുവരന്‍ said...

ഒടുവില്‍ ഞാന്‍ മറയുമ്പോള്‍
അനശ്വരതയുടെ ചില്ലയില്‍
പ്രണയം കൊണ്ട്
കൂടൊരുക്കാം
ഋതുഭേദങ്ങളറിയാന്‍
അതിലെന്‍റെ
ഹൃദയം പറിച്ചുവെയ്ക്കാം,
ഓരോ മിടിപ്പും
നിന്നിലേക്കുള്ള
ദൂരം കുറയ്ക്കുമെങ്കില്‍...
വാവേ .....മനോഹരമീ വരികള്‍