സെമിത്തേരിയില്‍ പെയ്ത മഴ
ഉറങ്ങിക്കിടന്നവരെ ഉണര്‍ത്തി
ഓര്‍മകളിലേക്കുള്ള നീര്‍പ്പാലം പോലെ..
പനിച്ചു വിറച്ചപ്പോള്‍
പിന്നീട് തിമിര്‍ത്തു
നനഞ്ഞപ്പോള്‍
കൌതുകത്തോടെ
നോക്കിയവള്‍
ഉറക്കമൊഴിഞ്ഞ കൌമാരരാവുകള്‍
പ്രണയം കൊണ്ട്പൊതിഞ്ഞപ്പോഴും
പെയ്തു തോര്‍ന്നവൾ
വിവാഹദിവസം
നഷ്ടപ്രണയത്തിന്റെ
കണ്ണീരുതിര്‍ത്തവള്‍
മധുവിധുരാവില്‍,
പറയാതിരുന്നതൊക്കെ പറഞ്ഞപ്പോള്‍
അസൂയയാല്‍ കാതടപ്പിച്ചവള്‍
പ്രാണന്റെ പാതിയടര്‍ന്നപ്പോള്‍
എന്റെ നിശബ്ദദുഃഖത്തില്‍
പങ്കുചേര്‍ന്നവള്‍
എകാന്തസായാഹ്നങ്ങളില്‍
ആശ്വസിപ്പിച്ചവള്‍
ജനിമ്രിതികളിലെ
എന്റെ സഹയാത്രിക..
ഇന്നും പെയ്യുന്നു..
നാളെയിവിടെയെത്തുന്നവര്‍ക്കായ്..
കൂട്ടത്തില്‍ എന്റെ ഓര്‍മകൾക്കായ്
1 comment:
peyyatte snehangathinte mazha engum..
Post a Comment