വിരല് നോവുന്നത്
നിന്നെ കുറിക്കുമ്പോഴാണ്
മോഹം ഉള്‍ക്കടമെങ്കിലും
നിന്നെ പകര്‍ത്താന്‍
ഞാന്‍ അശക്തനാണ്
എന്റെ തൂലിക തോല്‍ക്കുന്നതും
നിനക്ക് മുന്നില്‍ മാത്രം
നിന്റെ അര്‍ത്ഥവ്യത്യാസങ്ങള്‍
അര്‍ത്ഥവിന്യാസങ്ങള്‍
അതീതമെന്‍ വാക്കുകള്‍ക്കെങ്കിലും
അനുസ്യൂതം തുടരട്ടെ
ഞാനെന്റെ കര്‍മ്മം
നിലാവാണെനിക്ക് നീ
കുടന്നയില്‍ കോരിയ
സങ്കല്‍പ്പത്തിന്‍ നിറനിലാവ്
അത് കുറിക്കുന്ന മാത്രയില്‍
നീ മാറുന്നു കാട്ടുതീയായ്
എന്റെ ഇന്ദ്രിയങ്ങളെ
വിഴുങ്ങുന്നു...
ചിന്ത മുറ്റുമ്പോള്‍
നീയൊരു കടങ്കഥയാണ്
അല്ലാത്തപ്പോള്‍
വെറുമൊരു ചില്ലക്ഷരം
എന്റെ അക്ഷരങ്ങള്‍ക്ക്
അപ്രാപ്യയാകുമ്പോള്‍
തിരിച്ചറിയുന്നു
നീ എനിക്കാരാണെന്ന്
1 comment:
കവിത കൊള്ളാം.........
Post a Comment