Nov 6, 2009

ആത്മാവിനു കൂട്ടായ്‌


ഓര്‍മ്മകളെല്ലാമൊതുക്കി വെയ്ക്കാം -എന്റെ
ഓമല്‍ക്കിനാക്കള്‍ തന്‍ ചെപ്പിനുള്ളില്‍
ഓലക്കീര്‍ഒന്നെടുത്താദ്യം കൊരുത്തൊരു
പൂവില്ലാ പൂമാലച്ചാര്‍ത്തുമുതല്‍


ആതുരമേതോ വിളിയുടെ സ്പന്ദനം
ആത്മാവിനുള്ളില്‍ തുളുമ്പി നില്‍ക്കെ
ആരുമറിയാതെ ആ നിമിഷങ്ങളില്‍
ആദ്യവസന്തമറിഞ്ഞു ഞാനും

ഞാറ്റുവേലക്കിളി പാടിയ പാട്ടിന്റെ
മാറ്റൊലി ചുറ്റും പരന്നുകേള്‍ക്കെ
ആറ്റുനോറ്റെന്നോ വിടര്‍ന്ന നിലാവിന്റെ
പൂവിളി പാലാഴിയായി മാറി

തൊട്ടുണ൪ത്തും വീണാതന്ത്രിയിലാകെ നിന്‍
ഗദ്ഗദങ്ങള്‍ രാഗ ഭാവമായി
ശ്രുതി ചേ൪ന്നു പാടിയ ഗീതികള്‍ഒ‍ക്കെയും
സ്മൃതികളില്‍ സംഗീതമായി മാറി

1 comment:

ശ്രീബുദ്ധൻ said...

hi dhanya,

avasana varikal nannayittundu,
oolakkerukal kondu poovu korukkunnathengane aanu...? (oolanarukalavam udheshichathu)

i think some text missing n d first stanza.

by
deepu.